Os Poemas do Río
A obra
De que trata esta obra de teatro?
Esta pequena obriña teatral composta en verso fala dunha xornada na aula dunha mestra. A profesora le co alumnado poemas que van compoñendo eles/as mesmos/as e que conforman a historia dunha fraga de animais que recitan tamén.
Na obra e nos poemas tod@s prestan especial atención á lectura de versos das poetas galegas (María Mariño, Rosalía de Castro, Francisca Herrera, Pura Vázquez e Filomena Dato) que acompañan a historia que tod@s eles van creando.
Quen son os personaxes?
Estos son os personaxes que interveñen na obra de teatro:
Cal é a finalidade dela?
A finalidade desta obra é que o alumnado e @s mestres/as se animen a escribir poesía, a poñela en común e a ler a autoras galegas.
Ademáis, o xeito no que está escrita pódelle permitir ó profesorado traballar a poesía na aula relacionándoa co teatro, así como representar esta pequena obra nas aulas ou mesmo no salón de actos dos centros escolares.
Quen está detrás desta obra?
Para construír esta obra foron imprescindibles catro persoas:
Cristina Corral Soilán
Lugo (1976)
Escritora, xornalista e profesora de secundaria de lingua e literatura española
É xornalista e licenciada en Hispánicas, pola Universidade Camilo José Cela (UCJC) e a Universidade de Santiago (USC) respectivamente. Nesta última cursou tamén estudos de Filoloxía Inglesa.
Realizou os Cursos de Doutorado no programa de Educación, Diploma de Estudios Avanzados (DEA) en Educación e Creatividade: Aplicacións Tecnolóxicas, Sociais e Psicopedagóxicas na UCJC. Ten traballado como xornalista no xornal El Progreso de Lugo e na axencia Europa Press. Foi guionista en Netex e subdirectora da Revista Foeminas da Casa da Muller do Concello de Lugo. Na actualidade exerce como profesora de secundaria de Lingua e Literatura Española.
É autora dos poemarios Anxos de Pedra (Scio, 2001) e Esencia de Trementina (Scio, 2008). Escribe contos e teatro para nen@s e colabora con diversas revistas como Xistral ou Trasluz. Prepara a súa tese no departamento de Teoría da Educación, Historia da Educación e Pedagoxía Social da USC en torno ó tema da Educación da Muller dende a época republicana á franquista.
Aurora Cascudo Román
A Coruña (1968)
Ilustradora (ou “ilustratiz”) e deseñadora gráfica.
Ilustradora de corazón e vocación, deseñadora gráfica, e técnico en Administración de Sistemas Informáticos no Fernando Wirtz.
Cursou estudos de Filoloxía Inglesa nas facultades de Filoloxía da Coruña e Santiago de Compostela (USC).
Ten traballado como técnico de revelado fotográfico, deseñadora web, e tamén como mestra de informática en actividades extraescolares no CEIP María Pita (A Coruña).
Actualmente traballa como deseñadora gráfica en Netex, empresa adicada ao e-learning, compaxinando este traballo con colaboracións no mundo da ilustración.
Blog: www.primerospinitos.blogspot.com Portafolio: Cargo collective Domestika
Javier Prado Espiñeira. A Coruña (1978)
Músico, programador informático e mestre especialista en Audición e Linguaxe
É Músico, Diplomado en Maxisterio na especialidade de Audición e Linguaxe pola Universidade da Coruña, na que tamén cursou os estudios de Dereito. É Técnico en Desenrolo de Aplicacións Informáticas polo Instituto Isidro Parga Pondal.
Participou en varios proxectos musicais como Tirando Pa´ Lante ou Antonio León (ó que lle produce o seu primeiro EP) ate conformar o seu propio proxecto: Moondogs Blues Party do que grava e produce todos os instrumentos do seu primeiro disco, “O Cadelo lunático” (Autoeditado, 2007) co que obten o 1º Premio do concurso “Talentos 2007” de EL PAÍS.
A súa música véndese en Canadá con Kerf Music e o produtor norteamericano Kris Kaczor usou o seu tema “Walking night in Missisipi” para un DVD sobre a escravitude do Instituto de Historia de América. Na actualidade está presentando o seu segundo álbum “Thirty Roads” (Hotsak, 2011) e traballa na creación de varias bandas sonoras para productos do audiovisual galego.
Colabora ademáis en diversos proxectos musicais e culturais de distinta índole e é o secretario da asociación cultural “Desire” ademáis de coeditor do fanzine local “16Toneladas”.
Irene Penas Murias
A Coruña ( 1966)
Editora en Everest
Directora de Publicacións de Editorial Everest Galicia (A Coruña). Licenciouse en Filoloxía Hispánica pola Universidade de Santiago de Compostela e cursou estudos de Dirección de Empresa e de Formación en Artes Gráficas. Así mesmo, participou en diversos congresos relacionados coa literatura infantil e xuvenil, coa tradución e co ensino das linguas galega e castelá.
Ademais de dedicarse á docencia como profesora de Lingua e Literatura españolas, e como profesora de Lingua e Literatura galegas, traduciu arredor dun centenar de obras ao galego e exerceu de asesora lingüística para empresas de dobraxe de series de animación.
Desde 1996, combina a tradución coa dirección editorial de Everest Galicia.
